Алматыда жабылып қалған «Toyota» бөлшектерін сататын дүкендердің қожайындары Қазақстан Үкіметінен шетелден бөлшек әкелуге рұқсат беруін сұрады, деп хабарлайды Tengrinews.kz. Естеріңізге сала кетейік, 25 қараша күні Алматыда 30-дан аса дүкен жабылып қалған. Бұған себеп - «Toyota Motor Corporation» өкілдерінен келіп түскен хат болатын. Онда олар кәсіпкерлерден «Toyota» тауар белгісін заңсыз пайдаланғаны үшін айыппұл төлеуді және дүкендерін жабуды талап еткен.
Кәсіпкерлердің атынан сөз сөйлеген Павел Кимнің айтуынша, барлық мәселе зияткерлік меншікті реттейтін заңның дұрыс болмауынан туындауда. Сол себепті кәсіпкерлер ресми делдалдың монополиясынан құтылу үшін Парламенттен «параллель импортқа» рұқсат сұрап отыр.
Пайдалы қазбаларды өңдеуге Германия атсалысады
Қазақ жерінің басты байлығы - пайдалы қазбаларды өңдеу ісіне неміс тарапы қызығушылық танытуда. Ол үшін германиялық инвесторлар ірі жобаларды жүзеге асыруға ниетті. Мұндай ойларын кәсіпкерлер Ганновер қаласында өткен Қазақ-герман конференциясы кезінде жеткізді.
«Қазақстандағы кен орындарын қайта бағалау» деп аталған жиынға жүзден астам ауқатты неміс инвесторы қатысқан. Олар келешегі зор қазақ жобаларын жүзеге асыруға атсалысамыз деп отыр. Басқосу барысында халықаралық талаптарға сай дайындалған шикізат қорлары туралы ақпарат берілді.
Қазақ жерінің басты байлығы - пайдалы қазбаларды өңдеу ісіне неміс тарапы қызығушылық танытуда. Ол үшін германиялық инвесторлар ірі жобаларды жүзеге асыруға ниетті. Мұндай ойларын кәсіпкерлер Ганновер қаласында өткен Қазақ-герман конференциясы кезінде жеткізді. «Қазақстандағы кен орындарын қайта бағалау» деп аталған жиынға жүзден астам ауқатты неміс инвесторы қатысқан. Олар келешегі зор қазақ жобаларын жүзеге асыруға атсалысамыз деп отыр. Басқосу барысында халықаралық талаптарға сай дайындалған шикізат қорлары туралы ақпарат берілді.